आशिया कप 2023 (Asia Cup 2023) पाकिस्तानमध्ये (Pakistan) खेळवला जाणार आहे. त्यामुळे भारतीय संघ (Team India) पाकिस्तानात जाणार की नाही हा मोठा प्रश्न कायम होता. परंतु बीसीसीआयचे सचिव आणि आशियाई क्रिकेट परिषदेचे (एसीसी) प्रमुख जय शाह (Jay Shah) यांनी वार्षिक सर्वसाधारण सभेत (एजीएम) भारतीय संघ पुढील आशिया चषक स्पर्धेसाठी पाकिस्तानचा दौरा करणार नसल्याचे स्पष्ट केले आहे. याआधीही भारतीय संघ आशिया चषक खेळण्यासाठी पाकिस्तानला जाणार नसल्याची अटकळ होती.
बीसीसीआयने आशिया चषक 2023 बद्दल सांगितले होते की ते आशियाई क्रिकेट परिषदेला पाकिस्तान व्यतिरिक्त कुठेतरी आशिया कप आयोजित करण्याची विनंती करतील. त्याचबरोबर आयसीसी स्पर्धेसाठी संघ पाकिस्तानला जाऊ शकतो, पण आशिया चषक स्पर्धेसाठी पाकिस्तानला जाणे फार कठीण आहे, असेही सांगण्यात आले. हे लक्षात घेण्यासारखे आहे की जय शाह यांनी असेही म्हटले आहे की आशिया चषक 2023 पाकिस्तान व्यतिरिक्त तटस्थ ठिकाणी आयोजित केले जावे.
2022 मध्ये खेळला जाणारा आशिया चषक यापूर्वी श्रीलंकेत खेळवला जाणार होता, परंतु तेथील परिस्थिती पाहता स्थळ बदलण्यात आले होते. गेल्या वर्षी आशिया चषक यूएईमध्ये खेळवण्यात आला होता. आता यावेळेसही कार्यक्रमस्थळी बदल दिसून येत आहेत. पुढील वर्षी आशिया चषक कुठे खेळवला जाईल, याबाबत काहीही स्पष्ट झालेले नाही.
भारत आणि पाकिस्तानने 2012-13 पासून कोणतीही द्विपक्षीय मालिका खेळलेली नाही. पाकिस्तान संघ 2012-13 मध्ये भारत दौऱ्यावर आला होता. या दौऱ्यात 3 टी-20 आंतरराष्ट्रीय आणि एकदिवसीय सामने खेळले गेले. त्यानंतर आशिया चषक आणि विश्वचषक स्पर्धेत दोन्ही संघ आमनेसामने आले आहेत.
111 Total Likes and Views