अकोला : शिक्षण क्षेत्रातील आघाडीची कंपनी फिजिक्सवाला (PW) साठी गुरुवारचा दिवस अत्यंत उत्साहवर्धक ठरला. CBSE इयत्ता 10 वी बोर्ड परीक्षा 2026 मध्ये संस्थेच्या अनेक विद्यार्थ्यांनी उत्कृष्ट कामगिरी करत उच्च गुण मिळवले असून, काही विद्यार्थ्यांनी 100 टक्के म्हणजेच पूर्ण गुण मिळवत विशेष यश संपादन केले आहे.
देशभरातील अव्वल कामगिरी करणाऱ्या विद्यार्थ्यांमध्ये पंजाबमधील फाजिल्का येथील वैभव अरोरा, गुजरातमधील अहमदाबाद येथील अमोलिक पंडित आणि ओडिशातील भुवनेश्वर येथील आयुष्मान मोहापात्रा यांचा समावेश आहे. या तिघांनी 100 टक्के गुण मिळवत देशात सर्वोच्च स्थान पटकावले आहे.
या निमित्ताने फिजिक्सवालाच्या टेक-इनेबल्ड ऑफलाइन सेंटर ‘PW विद्यापीठ’ तर्फे अकोला येथे सत्कार समारंभाचे आयोजन करण्यात आले. CBSE इयत्ता 10 वी बोर्ड परीक्षा 2026 मध्ये उत्कृष्ट कामगिरी करणाऱ्या शहरातील PW विद्यार्थ्यांचा यावेळी गौरव करण्यात आला.
उत्कृष्ट कामगिरी करणाऱ्या विद्यार्थ्यांमध्ये प्रणाली खंडेल हिने 97.80 टक्के गुण मिळवत उल्लेखनीय यश मिळवले.
आपल्या यशाबद्दल बोलताना वैभव अरोरा म्हणाले, “सातत्यपूर्ण तयारी, नियमित सराव आणि शाळा तसेच PW शिक्षकांच्या मार्गदर्शनामुळे मला हे यश मिळाले.”
अमोलिक पंडित म्हणाले, “नियमित अभ्यास आणि सॅम्पल पेपर्सचा सराव केल्यामुळे मला 100 टक्के गुण मिळवण्यात मोठी मदत झाली.”
आयुष्मान मोहापात्रा यांनी सांगितले, “शिस्त आणि सुयोग्य अभ्यास नियोजनाचे पालन केल्यामुळे मला पूर्ण गुण मिळवणे शक्य झाले.”
निकालांवर प्रतिक्रिया देताना फिजिक्सवालाचे संस्थापक आणि CEO अलख पांडे म्हणाले, “परीक्षेत सहभागी झालेल्या सर्व विद्यार्थ्यांचा आम्हाला अभिमान आहे. त्यांच्या समर्पण आणि कठोर परिश्रमाचे आम्ही कौतुक करतो. विशेषतः उत्कृष्ट कामगिरी करणाऱ्या विद्यार्थ्यांचे मनःपूर्वक अभिनंदन. हे निकाल सातत्यपूर्ण प्रयत्न आणि मजबूत शैक्षणिक सहाय्य प्रणालीचे प्रतीक आहेत.”
यावर्षी CBSE इयत्ता 10 वी परीक्षेत 25 लाखांहून अधिक विद्यार्थी सहभागी झाले होते. या निकालांमधून शैक्षणिक यशामध्ये संरचित ऑनलाइन आणि हायब्रिड लर्निंगची भूमिका सातत्याने वाढत असल्याचे स्पष्ट होते.
